Geskiedenis |
Hy en sy broer Jan Hendrik (e1) was 'n tweeling. Met die uitbreek van die Tweede Vryheidsoorlog 1899 - 1902 gedurende Oktober 1899 sluit hy en al sy broers by die Bloemhof Kommando van Kmdt Tollie De Beer aan. Hy dien onder Vdkt Mausman en neem deel aan gevegte te Kimberley, Magersfontein, Rooiwal, Silkaatsnek en verskeie ander. Hy dien tot aan die einde van die oorlog en het die rang van Korporaal beklee. Van sy agt broers het een gedurende die oorlog gesneuwel, vier is gewond, twee is krygsgevangene geneem (insluitende een van die gewondes) en een het ernstig siek op kommando geword. Slegs hy en een broer het ongeskonde deur die oorlog gekom, hoewel almal alles wat hulle besit het, gedurende die oorlog verloor het.
|
|