Geskiedenis |
Die egpaar boer aanvanklik saam met sy ouers op die plaas Elandshoek, in die Aliwal-Noord distrik, dog trek mettertyd verder Noord en vestig hulle op die plaas HET KAMP, voor die bestaan van die dorp Zastron. Die naam Het Kamp is gegee aan die plek waar die Boerelaer aan die voet van die berg Vechtkop gestaan het en waar die Basoeto finaal aan die einde van die tweede Basoeto-oorlog verslaan is. Hy was die Vrederegter van die geweste en die eerste plaasskool het onder sy toesig op Het Kamp tot stand gekom. Gedurende die Tweede Vryheidsoorlog dien hy in die Rouxville Kommando, dog word op 13-1-1901 te Het Kamp deur die Britse magte krygsgevangene geneem en na die Aliwal-Noord Konsentrasiekamp weggevoer. Van hier af word hy met die skip Montrose na Bermuda weggevoer waar hy aangehou is. Na die oorlog keer hy na ’n verwoesde plaas terug. Sy vrou, Heiltjie se broer, Nicolaas Johannes Steyn is ook met 'n Henning meisie, b7.c1.d5. Martha Magdalena Catharina Henning getroud
|
|