| Geskiedenis |
Skynbaar was hulle ten tye van die Tweede Vryheidsoorlog 1899 - 1902 reeds in die Transvaal woonagtig, want sy eggenote is in die Pietersburg konsentrasiekamp aangehou. Hyself was op kommando, dog het op 2-6-1901 oorgegee. Omdat hy as ’n burger van die Kaapkolonie beskou is, is hy op 24-11-1901 van hoogverraad aangekla20.
Gedurende 1903 het ’n spesiale kommissie wat deur die Kaapse regering aangestel is, hom aan hoogverraad skuldig bevind weens die hulp wat hy aan die magte van die Boererepublieke gedurende die oorlog verleen het. Sy vonnis was dat hy vir ’n tydperk van vyf jaar nie vir enige openbare amp verkies mag word of in enige sodanige verkiesing mag stem nie. Al sy broers is aan dieselfde oortreding skuldig bevind.
Hy het gedurende 1905 na Argentinië emigreer, dog keer vermoedelik gedurende 1909/10 saam met sy broer Douw Gerbrand na Suid-Afrika terug. Na sy dood trou sy vrou in 1914 met Douw Gerbrand Grobler. Sy was ’n niggie van Gertruida Susanna De Klerk, die eggenote van b6.c1.d3.e5. Joseph Jooste Henning, haar man se broer.
|
|
