Geskiedenis |
Jan Andries word gebore op 'n plaas in die gebied "Achter de Sneeuwberg", in die distrik Graaff-Reinet. Vermoedelik was dit een van sy oupa se plase, Elandskraal, Roode Taaibosch of Klipplaat, want al die verskillende Henning families het aanvanklik op hierdie plase gewoon. Hierdie gebied sou later by die nuwe Cradock distrik ingelyf word. Teen 1805 trek sy ouers oor die Visrivier, wat die Oosgrens van die kolonie was, dieper die binneland in, op soek na beter weivelde vir hulle vee. Hierdie afleiding word gemaak uit die feit dat al sy broers en susters wat na hierdie datum gebore is net duskant die Oranjerivier, in die latere Colesberg en Albert (Burgersdorp) distrikte gebore is. Aangesien die naaste kerk teen 1823 nog in Graaff-Renet was, is hy hier getroud.
Jan Andries en sy vrou het hulle skynbaar vir etlike jare lank in die omgewing van Colesberg en/of Burgersdorp bevind, want al hulle kinders word hier gebore. Die doopregisters van 'n paar van hulle kinders dui aan dat hulle "Over de grens" gebore is, dog daar moet onthou word dat die Kolonie se grens gedurende die 1820's nog baie verder Suid was. Jan Andries en sy gesin trek skynbaar teen die 1850's oor die Oranjerivier, tot in die sentraal Vrystaat, waar hulle hul vestig.
Catharina Jacoba Jooste se suster, Anna Sophia is met b6.c1. Pieter Hendrik Henning getroud.
|
|