Geskiedenis |
Pieter Hendrik word groot in die distrik Bultfontein, dog op betreklik jong leeftyd trek hy saam met sy ouers na die plaas Leliespan, in die distrik Lichtenburg. Hy en sy twee broers bedryf ’n gemengde boerdery van mielies, skape en beeste, saam met hulle vader. Hy het op 'n stadium op die plaas "Werk met lus" gewoon. Gedurende die Tweede Vryheidsoorlog 1899 - 1902 dien hy in die Lichtenburg Kommando onder Vdkt Izak Claasen en word in sy been gewond. Hy dien tot aan die einde van die oorlog en het vir die De Zuid-afrikaanse Republiek en Oranje Vrijstaat oorlogs-medalje 1899 – 1902 sowel as die Lint voor verwonding opgedaan gedurende de Anglo-Boere-oorlog 1899 – 1902 gekwalifiseer, maar het nooit daarvoor aansoek gedoen nie.
|
|