| Geskiedenis |
Sy eie doopregister dui die van HENNING aan, so ook die sterfregisters van sy eerste twee kinders, wat in die konsentrasiekamp oorlede is. Sy en sy eggenotes se sterfregisters dui egter die van Hennig aan.
Met die uitbreek van die Tweede Vryheidsoorlog gedurende Oktober 1899 sluit hy by die Bloemhof kommando van Kmdt J F De Beer aan. Hy neem deel aan die Boere se offensief aan die Wesfront aan gevegte by Kimberley, Magersfontein en Perdeberg, waar hy gedurende Februarie 1900 krygsgevangene geneem en in die krygsgevangenekamp te St Helena aangehou word. Sy eggenote en hulle kinders word in die Kimberley konsentrasiekamp aangehou, waar twee van hulle kinders dan ook sterf.
|
|