| Geskiedenis |
Gedurende die Tweede Vryheidsoorlog dien hy en sy oudste seun, Marthinus Christoffel, en sy jongste broertjie, Marthinus Christoffel as Kaapse Rebelle in die Boeremagte in die Ooste van die ZAR.. Terwyl hulle in die omgewing van Komatipoort voor die Britse magte uitvlug, vlug hulle oor die Mosambiek grens en soek skuiling by die Portugese owerhede in Mosambiek. Hier word die drie, saam met verskeie ander Boere en hulle gesinne deur die Portugese owerhede geïnterneer en mettertyd na Portugal oorgeplaas, waar hulle in die klooster te Alcobaca gehuisves word18.
Omdat hy ‘n burger van die Kaap van Goeie Hoop was, word Johannes Benjamin Frans op 5-5-1902 deur ’n spesiale kommissie wat deur die Kaapse regering aangestel is, aan hoogverraad skuldig bevind. Sy skuldigbevinding spruit voort uit sy simpatie en hulpverlening aan die Boeremagte tydens die Tweede Vryheidsoorlog 1899 — 1902. Sy vonnis was dat hy vir ’n tydperk van vyf jaar nie vir enige openbare amp verkies mag word of in enige sodanige verkiesing mag stem nie. Drie van sy seuns is aan soortgelyke oortredings skuldig bevind, nl Marthinus Christoffel (e1.), Jacobus Nicolaas (e4.) en Johannes Benjamin Frans (e6.). In hoofstuk 13 word al die Hennings wat so gevonnis is, gelys. In die dokumente wat voor die kommissie gedien het, word sy adres gedurende hierdie tyd as die plaas Wonderpoort, distrik Albert aangegee.
Hy sterfg tydens die groot Spaanse griepepidemie van 1918.
Sy negende kind, Hans Jacob, het gedurende die oorlog by die slag van Labuschagnesnek in die Wodehousedistrik op 4-3-1900 gesneuwel.
|
|