| Geskiedenis |
|
Gerrit het tot die ouderdom 7-jaar op Klerksdorp gewoon toe sy ouers na Stilfontein verhuis het. Hy voltooi sy skoolopleiding gedurede 1983 aan die Hoërskool Stilfontein. Op Hoërskool het hy deelgeneem aan atletiek, rugby en krieket. Hy het Wes-Transvaal skole drie keer op die krieketveld verteenwoordig en het vir sy hoërskool se eerste rugbyspan gespeel. Verder het hy gedurende 1982 Wes-Transvaal verteenwoordig op die Suid-Afrikaanse Junior Atletiekkampioenskappe, waar hy aan die 300m hekkies vir seuns onder 17 deelgeneem het. Na matriek studeer Gerrit aan die Universiteit van Pretoria, waar hy aan die einde van 1986 sy B Com (Rek) graad verwerf. Hierna volg 'n Honneursgraad en STR.
|
|