| Geskiedenis |
Pieter Bernard Henning, gebore 5 Mei 1940, of Peter Henning soos hy genoem is, is in die Elim-hospitaal, Louis Trichardt gebore en het saam met sy ouer broers, Poek en John, op die plaas Sweetwaters, Louis Trichardt grootgeword.
Hy was in die Laerskool Louis Trichardt, waarna hy aan die St John's College in Johannesburg gematrikuleer het. Hy het die volgende drie jaar by Universiteir van Pretoria (Tuks) deurgebring en regte studeer. Hy staak sy studies om die melkery op Sweetwaters oor te neem.
Hy doen aansoek om een van die suikerplase in Rhodesië oor te neem. Sy aansoek was suksesvol en hy het in 1965 'n suikerboerdery ontvang met 'n waarborg van £ 8000 wat sy pa verskaf het. In November van daardie jaar is UDI (Eensydige Onafhanklkheidsverklaring) verklaar en is sy suikerkwota, weens die sanksies, verminder. In 1967 het hy die helfte van die nuwe suikerriet vir kontantgewasse omgeploeg. Vier jaar later het hy en sy broer, John in ‘n 50/50 vennootskap die bure se plaas gekoop.
In dieselfde jaar het die bosoorlog in die Suidoostelike Laeveld van Rhodesië versleg en in die laaste deel van 1977 is 'n groot gesamentlike operasionele bevelspos op Buffalo Range vliegveld opgestel. Peter word 'n vlugluitenant in beheer van die lugmagreserwemag.
In 1979 verhuis hy en sy gesin na Louis Trichardt om die Suid-Afrikaanse regering te probeer oortuig om nie die familieboerdery op Sweatwaters, Louis Trichardt te onteien nie. Hy koop terselfdertyd Masapas Ranch 80 km noord van Chiredzi (Zimbabwe) om met beeste te boer. Dit het daarna 'n wildplaas geword.
Na 'n droogte van twee jaar in die Laeveld en nadat die drie kinders hul skoolopleiding voltooi het, verhuis Peter in 1994 terug na Chiredzi, waar hy 'n belangrike rol gespeel het in die stigting en vroeë ontwikkeling van die "Save Valley Conservancy", aangesien hy die grootste private wildbewaringsgebied in die streek besit het.
In 2000 het die plaasaanvalle begin en uiteindelik is hy in 2004 deur ‘n groep plakkers verjaag. Na vele suksesvolle hofsake het die gesin daarin geslaag om tot 2009 in die opstal te bly, toe hulle gedwing is om na Suid-Afrika terug te keer of in hegtenis geneem te word, omdat hy en sy gesin “onwettig” in hul eie woning aangebly het.
Die gesin het na Louis Trichardt teruggekeer en van ver af vir regverdigheid geveg en elke ses weke drie keer na die landdroshof in Chiredzi teruggekeer om in die opstal te bly. In Desember 2012 is hy tot $100 of twee weke tronkstraf gevonnis.
Peter het onvermoeid voortgegaan om vir geregtigheid te veg en het tot en met sy dood gewag op die uitslag van 'n hofsaak wat boere, met die hulp van Afriforum teen die Suid-Afrikaanse regering (oor die onteiening van sy plaas in Zimbabwe) by die hooggeregshof in Pretoria gevoer het. Die uitslag is nog steeds hangende, en die gesin vertrou dat 'n gunstige uitspraak gelewer sal word.
Hy is Saterdagoggend 28 November 2020 in die vroeë oggendure vreedsaam oorlede, na 'n kort, hewige stryd met kanker van die pankreas.
Hy en sy broer Arthur (Poek) is met twee Mackinnon susters getroud
|
|
