| Geskiedenis |
|
Geen kinders. Sy noemnaam was Jim. Hy voltooi sy skoolopleiding aan die Hoërskool Helpmekaar in Johannesburg. Gedurende September 1936 begin hy werk as leerling myner by CMR, waar hy 4-jaar lank werksaam was. Intussen, op 26 September 1937 tree hy in die huwelik met Annie de Villiers. Gedurende 1941 sluit hy by die Rand Leases groep aan, waar hy as dagloner afbouwerk en ontsluiting gedoen het. Later in die jare veertig los hy af as skofbaas en word op 12 Mei 1952 as permanente skofbaas aangestel. Gedurende 1965 sluit Jim by Buffelsfontein Goudmyn aan as skofbaas in 'n hoëspoed ontsluitingsafdeling. Gedurende April 1967 word verneem dat hy aan 'n vergoedbare siekte ly. Dit bring mee dat hy gedurende Julie 1969 die diens verlaat, waarna hy en sy vrou hulle in Mayfair vestig. Gedurende Julie 1974 verhuis Jim en Annie na Christiana. Sy ontval hom op 9 Julie 1990, na 'n huwelik van ongeveer 53 jaar, wat kinderloos was. Weens sy jarelange lojale diens in die mynbedryf, waar sy leuse altyd "veiligheid eerste" was, is erelidmaatskap van die Ondergrondse Amptenare Vereniging gedurende 1992 aan hom toegeken.
|
|