| Geskiedenis |
Kinderloos. Haar broer, Andries se oudste dogter, Ansie (Anna Susanna) vertel dat Anna Margaretha baie saggeaard was. Wanneer haar man van haar teenoor haar broers gepraat het, het hy altyd van "jou ous" gepraat. Van daar haar noemnaam - Ant Ous. Ansie glo dat sy 'n wonderlike ma sou gewees het, as sy en haar man kinders gehad het. Ansie sê ook dat sy graag 'n dogter van Ant Ous sou wou gewees het.
Ansie en haar jonger suster, Rita het beurte gemaak om naweke by oom Isak en Ant Ous te gaan kuier. Dan het hulle op 'n enkelbedjie geslaap. Ant Ous se huis was altyd pynlik netjies met skoon vloere wat altyd blinkgevryf was. Tot die dreins by die buitekrane was rooi gepolitoer en blink gevryf.. Oom Isak het nie tuin gemaak nie. Die erf was wel skoon, maar geen blomme nie. Sy motorhuis was sy heiligdom. Hy het kaste vol gereedskap gehad. Elke stuk gereedskap het sy plek gehad.
Saterdag-oggende het ant Ous die kinders altyd met iets lekkers, soos koeksisters, bederf, terwyl hulle pa, Andries en oom Isak 'n brandwyntjie in die motorhuis gestaan en drink het. Dit was wonderlike dae vir die kinders.
|
|
