| Geskiedenis |
Olivier Henning word op die plaas Damfontein, distrik Aliwal-Noord gebore. Hy word groot op die plaas en boer later saam met sy vader. Met die uitbreek van die Tweede Vryheidsoorlog 1899 - 1902 bly hy lojaal aan die Kaapse regering. Dit het veroorsaak dat talle mede-Afrikaners, wat stilswyend of as Kaapse rebelle die kommando's van die Boererepublieke gesteun het, hom as 'n verraaier beskou het. Aan die begin van die oorlog het die kommando van Kommandant Willem Fouchee met groot welslae in die Noord-Oos Kaap teen die Britse magte opgetree. As gevolg van die talle Afrikaners in die gebied wat nie die oorlogspoging van die Boererepublieke ondersteun het nie, het Fouchee 'n skrikbewind onder hierdie mense begin voer. Hy het talle van hierdie mense met sy sambok afgeransel. Op 'n dag gedurende 1901 was Olivier ook in 'n onderonsie met Fouchee gewikkel, waar diè hom met sy sambok geslaan en een van sy swart plaaswerkers, wat van spioenasie vir die Britse magte verdink was, tereggestel het.
Eers op 33 jarige ouderdom besluit hy om te trou. Gedurende 1902, dit wil sê die jaar wat die Tweede Vryheidsoorlog ten einde loop, word hy in die huwelik bevestig met die Engelssprekende meisie Daisy Beeton. Onder die invloed van sy vroutjie, breek hulle weg van die ou Boere gebruik van naamgewing vir hulle kinders. Al hulle kinders kry 'n enkele Engelse naam.
Daisy, was voor haar troue 'n onderwyseres. Sy het dikwels vir talle mense wat nie kon skryf nie, as skrywer opgetree. Sy was 'n klein, fyn vroutjie, wel belese en het dikwels as solis of as pianis in konserte opgetree. Beide haar ouers, haar pa Arthur Beeton en haar ma Wilhelmina Margaretha Vos sterf as gevolg van kanker — hy kanker van die ingewande en sy as gevolg van kanker van die lewer. Arthur Beeton se vader en moeder was Thomas Beeton * 14-10-1803 en Eliza Barker * 18-10-1814. Eliza Barker se ouers het saam met die 1820 Britse setlaars na Suid-Afrika emigreer en was Arthur Barker en Sarah August. Thomas Beeton se ouers was John Beeton en Elizabeth Barnett. Wilhelmina Margaretha Vos stam van verskeie bekende figure in die silwersmid en klok/horlosiemakersbedrywe aan die Kaap af. Haar ouers was Jacobus Johannes Vos * 1814 en Magdalena Maria Wolhuter * 1817. Verskeie van die kunswerke wat Jacobus Vos en sy voorsate vervaardig het, word in die Nasionale Kunshistoriese Museum, Kaapstad en die Hugenote museum, Franschoek ten toon gestel.
Olivier Henning sterf gedurende die groot Spaanse Griepepidemie van 1918. Sy eggenote, moes dus op haar eie die boerdery behartig, en nog sewe kinders waarvan die ouderdomme tussen 15 jaar en ses maande gewissel het, grootmaak. Teen die einde van haar lewe het sy osteoperose opgedoen
|
|
