Geskiedenis |
As burgers van die Kaap van Goeie Hoop, word Francois Alwyn en sy broer Johannes (e9.) op 15-5-1902 deur ’n spesiale kommissie wat deur die Kaapse Regering aangestel is, aan hoogverraad skuldig bevind. Hulle skuldigbevinding spruit voort uit hul simpatie en hulpverlening aan die Boeremagte van de Vrystaatse Republiek tydens die Tweede Vryheidsoorlog 1899 - 1902. Hulle vonnis was dat hulle vir ’n tydperk van vyf jaar nie vir enige openbare amp verkies mag word, of in enige sodanige verkiesing mag stem nie. In hoofstuk 14 word alle Hennings wat so gevonnis is, gelys. Hy is op die plaas Modderpoort, distrik Jamestown begrawe. Sy eggenote, Alida, is gedurende 1929 verkies tot die eerste voorsitter van die Vrouetak van die Nasionale Party wat te Jamestown gestig is. Sy het die Nasionale Party ook as afgevaardigde na Kongresse verteenwoordig. Die egpaar het net een seun, Frans Johannes, gehad
|
|