| Geskiedenis |
Marthinus Christoffel verloor sy vader toe hy slegs agt jaar oud was. Sy moeder tree hierna weer in die huwelik met Petrus Bothma van die plaas Badspruit. Daar kan afgelei word dat Marthinus Christoffel saam met sy moeder en sy ouer broers en susters op Badspruit gaan woon het.
Gedurende die Anglo-Boere-oorlog 1899 - 1902 dien hy saam met sy oudste broer, Johannes Benjamin Frans as Kaapse Rebelle in die Boere magte in die Ooste van die ZAR. Terwyl hulle in die omgewing van Komatipoort voor die Britse magte uitvlug, vlug hulle oor die Mosambiek grens en soek skuiling by die Portugese owerhede in Mosambiek. Hy word saam met sy broer en talle ander Boere en hul gesinne geïnterneer en mettertyd na Portugal oorgeplaas, waar hulle in die klooster te Alcobaca gehuisves word.
Omdat hy ‘n burger van die Kaap van Goeie Hoop was, word hy op 5-5-1902 deur ’n spesiale kommissie wat deur die Kaapse regering aangestel is, aan hoogverraad skuldig bevind. Sy skuldigbevinding spruit voort uit sy simpatie en helpverlening aan die Boermagte tydens die Tweede Vryheidsoorlog 1899 - 1902. Sy vonnis was dat hy vir ’n tydperk van vyf jaar nie vir enige openbare amp verkies mag word of in enige sodanige verkiesing mag stem nie. In hoostuk 13 word alle Hennings wat so gevonnis is, gelys.
Hy gaan boer mettertyd op die plaas Zuurbron, in die Aliwal-Noord distrik. Sy eggenote, Aletta Susanna, was die suster van Willem Vorster, die vader van Sy Edele B J Vorster, Eerste Minister en Staatspresident van die RSA. Twee van haar ouer susters is ook met twee Henning broers getroud, nl b1.c3.d10. Christiaan Rudolf Henning en b1.c3.d12. Alwyn Petrus Henning
|
|