| Geskiedenis |
|
Willem, of Willie, soos hy genoem word, voltooi sy skoolopleiding in Bloemfontein. Reeds op laerskool het die begeerte by hom ontstaan om eendag predikant te word. Direk na matriek het hy met sy admissiestudie begin by die Universiteit van die Oranje Vrystaat, waarna hy 'n Tukkie (Universiteit van Pretoria) geword het. Aan die einde van 1979 voltooi hy sy teologiese studies in Pretoria. Hierna verrig hy nasionale diensplig. In 1981 aanvaar hy 'n beroep na die NG Kerk Hannover, in die hartjie van die Karoo. Hy dien ongeveer sewe jaar lank in die gemeente, waarna hy besluit om van beroep te verander. Intussen is hy getroud met Mathilda Scholtz. Na Hannover vestig Willie en Mathilda hulle in Bloemfontein.
|
|
