Carl Christian Hennings word gebore op 25 Januarie 1855 te Altona, Hamburg in die huidige Duitsland. Ons kon nog nie bepaal wanneer hy na die Kaap van Goeie Hoop emigreer het nie, maar ons weet dat hy as 'n 27-jarige jongman op 20 Desember 1881 getroud is met Johanna Postma *Rustenburg 28-11-1862. Die huwelikbevestiging is waargeneem deur Johanna se pa, Prof Dirk Postma, stigter van die Gereformeerde Kerke in Suid-Afrika, in die Gereformeerde Kerk Burgersdorp. Prof Postma was op daardie stadium rektor van die Kweekskool van die Gereformeerde Kerke in Burgersdorp. Hy het vier vrouens oorleef en was selfs 'n vyfde keer getroud. Sy dogter, Johanna is gebore uit sy vierde huwelik met Susanna Lasea Kruger *1841.
Ten tye van Carl Christian se dood op 5 September 1928 het hy en sy vrou te Carolina gewoon. Sy sterf op 19 Desember 1930 terwyl sy en haar kleindogter Johanna Geertruida Hovy in Oos-Londen vakansie hou.Foto's J001, J002 en J003
Carl Christian Hennings en sy vrou Johanna Postma het agt kinders gehad.
> a5.b1. SUSANNA (Sannie) HENNINGS *Burgersdorp 9-12-1882, ≈ Geref Kerk Burgersdorp 21-1-1883, †Middelburg hospitaal 26-2-1925, χ9-12-1904 Willem Hovy (Hovij). Hierdie egpaar het drie kinders gehad: Johanna Geertruida Hovy, Pauline Geertruida Hovy en Willem Hendrik Hovy
> a5.b2. CARL HENNINGS *17-4-1884, ≈ Geref Kerk Burgersdorp 7-6-1884, †as baba oorlede 26-9-1884, Foto J004
> a5.b3. MARIE ELIZABETH HENNINGS *22-4-1885, ≈ Geref Kerk Burgersdorp 24-5-1885, †Graaff-Reinet 3-2-1961, χ12-9-1912 Albert S Best
> a5.b4. WILHELMINA HENNINGS *1-2-1887, ≈ Geref Kerk Burgersdorp 6-3-1887, † Pretoria 1978, χ18-12-1913 Frank Becker Wessels.
> a5.b5. ADELE OTTILLIE HENNINGS *29-10-1888, ≈ Geref Kerk Burgersdorp 9-12-1888, χ Sybrand Jakobus Mostert
> a5.b6. NAOMI HENNINGS *10-8-1890, ≈ Geref Kerk Burgersdorp 21-9-1890, ongetroud
> a5.b7. ELIZABETH HENNINGS *Burgersdorp 11-11-1892, ≈ Geref Kerk Burgersdorp 29-1-1893, †28-10-1977, χ 30-8-1914 Albertus Wynand Durr *2-1-1878, †Johannesburg 18-3-1962
> a5.b8. JAN LION HENNINGS *9-12-1897, †Kroonstad 13-12-1938, χ Kaapstad 20-5-1924 Anna Susanna Marie Joubert * 1899, ÷ 25-1-1937, χχ Theunissen Erna Jacomina Marie Bauer.Foto's J005 en J006
Jan Lion en sy eerste vrou het slegs een seun gehad: Carl Christian *25-4-1925. Jan Lion Hennings was 'n prokureur te Kroonstad.
> a5.b8.c1. CARL CHRISTIAN HENNINGS *25-4-1925.Carl Christian is dus die enigste persoon wat die geslagsregister van hierdie Hennings stam kan voortsit. Ons kon egter tot dusver geen sterfregister, besonderhede van 'n eggenote of enige kinders opspoor nie.